اسرائیلی وزیر اعظم نیتن یاہو نے امریکی صدر ٹرمپ کی نئی ٹیرف پالیسی کے سلسلے میں اسرائیل پر مرتب ہونے والے اثرات کے حوالے سے بات چیت کر کے اسرائیلی تحفظات اور مطالبات پیش کیے ہیں۔ اس امر کا اظہار اسرائیل کے کم از کم دو سینیئر حکام نے جمعہ کے روز کیا ہے۔
ان حکام کے مطابق اسرائیل چاہتا ہے کہ امریکی ٹیرف پالیسی کا اسرائیل پر اثر کم سے کم ہونا چاہیے۔
خیال رہے امریکی صدر ٹرمپ کی اعلان کردہ نئی ٹیرف پالیسی کے تحت امریکہ کو غیر متعین اسرائیلی اشیا کی برآمدات پر 17 فیصد ٹیرف کی ادائیگی کرنا ہوگی۔ اسرائیل امریکہ کا اہم تجارتی شراکت دار ہے۔
اسرائیلی حکام کے مطابق نیتن یاہو نے اپنے حالیہ دورہ ہنگری کے دوران صدر ڈونلڈ ٹرمپ کے ساتھ فون پر بات کی اور ٹیرف کے اسرائیل پر اثرات کو کم کرنے کے لیے کہا۔ ایک اسرائیلی ذمہ دار نے کہا ' ان میں سے زیادہ تر مسائل حل ہو سکنے والے ہیں۔'
