سعودی سفارت کاری نے ثابت کیا یہ عقل اور حکمت کی آواز ہے: شامی وزیر خارجہ

سعودی ولی عہد شہزادہ محمد بن سلمان کی درخواست پر امریکی صدر ڈونلڈ ٹرمپ کی جانب سے شام پر عائد پابندیاں اٹھانے کے اعلان پر خیر مقدم کے پیغامات کا سلسلہ جاری ہے۔

شامی وزیر خارجہ اسعد الشیبانی نے منگل کو امریکی صدر کے فیصلے کو شام کے لیے ایک اہم موڑ قرار دیا ہے۔ اسعد الشیبانی نے اپنے بیانات میں شام پر عائد پابندیاں اٹھانے کے حوالے سے صدر ڈونلڈ ٹرمپ کے حالیہ بیانات کا خیر مقدم کیا۔

انہوں نے مزید کہا کہ یہ پیش رفت شامی عوام کے لیے ایک اہم موڑ کی نمائندگی کرتی ہے کیونکہ ہم تباہ کن جنگ کے سالوں کے بعد استحکام، خود کفالت اور حقیقی تعمیر نو کے مستقبل کی طرف گامزن ہیں۔

انہوں نے مزید زور دیا ہے کہ سعودی سفارت کاری نے خطے میں عقل اور حکمت کی آواز ثابت کی ہے اور پابندیاں اٹھانے کی کوششوں کی حمایت میں ان کی کوششوں کا شکریہ ادا کیا ہے۔ شام کے مستقبل میں ایک نیا باب کھولنے کا سہرا برادر ممالک کے موقف کو جاتا ہے جن میں سعودی عرب سرفہرست ہے۔

شامی ڈیموکریٹک فورسز (ایس ڈی ایف) نے بھی پابندیاں اٹھانے پر امریکی صدر کا شکریہ ادا کیا۔ یاد رہے شہزادہ محمد بن سلمان کی درخواست پر ٹرمپ نے منگل کو شام پر عائد پابندیاں اٹھانے کا اعلان کیا ہے۔

شام کے لیے اقوام متحدہ کے ایلچی گیر پیڈرسن نے بھی ٹرمپ کے ریاض سے شام پر عائد پابندیاں اٹھانے کے اعلان کا خیر مقدم کیا۔ قطر نے بھی ریاض سے ٹرمپ کے شام پر عائد پابندیاں اٹھانے کے اعلان کا خیر مقدم کیا۔ کویت نے بھی ٹرمپ کے اس اعلان کو خوش آئند قرار دیا اور اس حوالے سے سعودی عرب کی کوششوں کو سراہا۔

بحرین کے بادشاہ حمد بن عیسیٰ آل خلیفہ نے اس موقع پر شامی صدر احمد الشرع کو مبارکباد دی۔ اردن نے بھی ٹرمپ کے شام پر عائد پابندیاں اٹھانے کے اعلان کا خیر مقدم کیا۔ لبنانی صدر جوزف عون نے بھی سعودی ولی عہد کا شکریہ ادا کیا۔

امریکی صدر ڈونلڈ ٹرمپ نے سعودی ولی عہد شہزادہ محمد بن سلمان کی درخواست پر شام پر عائد پابندیاں اٹھائی ہیں۔ ٹرمپ نے کہا شام پر عائد پابندیاں اٹھانے کا فیصلہ شامیوں کو ایک نیا موقع دینے کے لیے کیا گیا ہے۔ انہوں نے شامیوں سے یہ بھی کہا کہ ہمیں اپنے مستقبل کے لیے کچھ خاص کرکے دکھائیں۔

ٹرمپ نے اعلان کیا کہ امریکی وزیر خارجہ مارک روبیو جلد ہی اپنے شامی ہم منصب سے ملاقات کریں گے۔ انہوں نے کہا کہ شام میں ایک نئی حکومت ہے جس سے استحکام حاصل کرنے میں کامیابی کی امید ہے۔