علاقائی و بین الاقوامی حالات بحرانوں کے حل کے لیے عرب تعاون کے متقاضی ہیں : امیر قطر

قطر کے امیر شیخ تمیم بن حمد آل ثانی کا کہنا ہے کہ 34 واں عرب سربراہی اجلاس ایسے علاقائی و بین الاقوامی حالات میں منعقد ہوا ہے جو عرب اور عالمی سطح پر باہمی تعاون کا تقاضا کرتے ہیں تاکہ موجودہ بحرانوں کا حل تلاش کیا جا سکے۔

انھوں نے "ایکس" (سابقہ ٹویٹر) پر جاری ایک بیان میں کہا "ہم امید کرتے ہیں کہ اس اجلاس کے نتائج اور فیصلے ہمارے عرب اتحاد کو مضبوط کریں گے اور ہمارے درمیان قائم تعاون کے تمام شعبوں میں انضمام کو فروغ دیں گے۔ ہم برادر ملک عراق کی ان کوششوں کا شکریہ ادا کرتے ہیں جن کے ذریعے اس نے بھائی چارے کو مستحکم کیا اور مشترکہ عربی عمل کو تقویت دی۔"

امیرِ قطر شیخ تمیم بن حمد آل ثانی نے آج دار الحکومت بغداد میں سرکاری محل میں منعقدہ عرب لیگ کے چونتیسویں سربراہی اجلاس میں دیگر عرب ممالک کے قائدین اور نمائندوں کے ہمراہ شرکت کی.