دوحہ میں حماس کی قیادت کو نشانہ بنانے کا فیصلہ درست ہے ، سموٹریچ

اسرائیل کے کٹر یہودی خیالات کے حامل وزیر خزانہ بذالیل سموٹریچ نے دوحہ میں حماس کی قیادت پر اجلاس کے دوران کیے گئے اسرائیلی ریاست کے فضائی حملے کی تعریف کی ہے اور کہا یہ بہت درست اقدام کیا گیا ہے۔

دوحہ میں منگل کی شام حماس رہنماؤں کی رہائشی عمارات کو نشانہ بنایا گیا ہے۔ جس کی قطر کی طرف سے بھی مذمت کی گئی ہے اور اسے بزدلانہ حملہ قررا دیا ہے۔

تاہم اسرائیلی وزیر خزانہ نے کہا دہشت گردوں کے لیے کوئی معافی نہیں ہے۔ خواہ وہ دنیا کے کسی بھی کونے میں ہوں انہیں اسرائیل کی طرف سے کبھی معافی نہیں ملے گی۔

سموٹریچ نے سوشل میڈیا پلیٹ فارم 'ایکس' پر قطر پر اسرائیلی بمباری کی تعریف کی اور کہا یہ ایک مکمل درست فیصلہ تھا جسے پوری کامیابی کے ساتھ اسرائیلی فوج اور خفیہ ایجنسی شین بیت نے مکمل کیا ہے۔