اسرائیلی فوج نے کہا ہے کہ اس نے لبنانی عسکری گروپ حزب اللہ کے اسلحہ ڈپو کو نشانہ بنایا ہے۔ اسرائیلی فوج نے یہ کارروائی جنوبی لبنان میں کی ہے۔ جہاں اسرائیلی فوج جب چاہے بمباری کرتی ہے۔
تازہ اسرائیلی فوجی کارروائی اتوار کے روز کی گئی ہے۔ اسرائیلی فوج کے بیان میں اس نے حزب اللہ کے ہتھیاروں کے ذخیرہ کرنے کے ڈپو پر حملہ کیا ہے۔ ان ہتھیاروں کو عسکری گروپ نے اسرائیلی فوج کے خلاف استعمال کیا تھا۔
یاد رہے اسرائیل اور لبنان کے درمیان 27 نومبر 2024 کو جنگ بندی معاہدہ ہو گیا تھا۔ مگر اس کے باوجود اسرائیلی فوج کی لبنان میں یہ کارروائیاں جاری ہیں۔ پچھلے سال قبضے میں کی گئی اہم سرحدی پوزیشنوں پر اسرائیلی قبضہ آج بھی جاری ہے۔
فوج نے ایک بیان میں کہا نومبر میں ہونے والی جنگ بندی کے باوجود جو حزب اللہ اور اسرائیل کے درمیان ایک سال سے جاری دشمنی کا خاتمہ ہوا، مؤخر الذکر نے لبنان پر باقاعدہ حملے جاری رکھے ہوئے ہیں اور اب بھی لبنان کے اندر پانچ سرحدی مقامات پر فوجیں تعینات ہیں۔
حزب اللہ کے سربراہ حسن نصراللہ کی پہلی برسی کے موقع پر نئے سربراہ نے واضح طور پر خبردار کیا ہے کہ حزب اللہ ہتھیاروں سے دستبردار نہیں ہوگی۔ حسن نصراللہ کو اسرائیلی فوج نے بیروت کے جنوب میں ان کے ہیڈ کوارٹر پر زبردست بمباری کر کے 27 ستمبر کو قتل کر دیا تھا۔
