ہمیں عارضی جنگ بندی نہیں بلکہ تشدد کا خاتمہ چاہیے: فلسطینی مندوب کا یو این میں بیان

اقوام متحدہ میں فلسطین کے مندوب ریاض منصور نے اس بات پر زور دیا کہ فلسطینی عوام موت اور تباہی کا سامنا کر رہے ہیں۔ انہوں نے تاکید کی کہ یہ حقیقت غاصبانہ قبضے کی پیداوار ہے۔

انہوں نے کہا وہ فلسطینیوں کو جغرافیہ اور تاریخ سے مٹانے کی کوششوں کا مقابلہ کر رہے ہیں۔ ریاض منصور نے کہا کہ تشدد ایک بند گلی ہے اور ہم فلسطینیوں اور اسرائیلیوں دونوں کے حق میں اسے مسترد کرتے ہیں۔ ظلم کو کسی بھی فریق کی طرف سے نہ تو درست قرار دیا جا سکتا ہے اور نہ ہی اس کی حفاظت کی جا سکتی ہے۔

انہوں نے اس بات پر زور دیا کہ امن کو ایک مشترکہ حقیقت ہونا چاہیے۔ ہمیں عارضی جنگ بندی نہیں بلکہ تشدد کا خاتمہ چاہیے اور آزادی ہی امن کی طرف لے جاتی ہے۔ یہ وہ راستہ ہے جس پر ہم سب کو چلنا چاہیے۔ انہوں نے مزید کہا کہ نیویارک اعلامیہ دو ریاستی حل کو نافذ کرنے کے لیے ایک تاریخی دستاویز ہے۔