سعودی عرب: سکیورٹی سے متعلق صورتحال اطمینان بخش ہے، وزارت داخلہ

سعودی عرب کی وزارت داخلہ نے پیر کے روز کہا ہے کہ مملکت میں سلامتی سے متعلق صورتحال معمول کے مطابق ہے اور اطمینان بخش ہے۔وزارت کے جاری کردہ بیان میں کہا گیا ہے معمول کی عوامی زندگی تمام علاقوں میں کسی غیر معمولی صورتحال کے بغیر جاری ہے۔

یہ بیان ایسے موقع پر جاری کیا گیا ہے جب خطے میں امریکہ اسرائیل اور ایران کی جنگ کی وجہ سے کشیدگی پائی جاتی ہے۔ بیان میں یہ بھی کہا گیا ہے کہ ہماری مسلح افواج چوبیس گھنٹے صورتحال پر نظر رکھے ہوئے ہیں۔ اور سلامتی سے متعلق امور کے لیے پوری طرح چوکس ہیں۔

بیان کے مطابق سکیورٹی سے متعلق خدمات کے فریم ورک میں قومی سلامتی کو یقینی بنائے رکھنے کے لیے اضافہ کیا گیا ہے تاکہ ہر علاقے اور حصے میں صورتحال یکساں طور پر اطمینان بخش رہے۔وزارت داخلہ کے جاری کردہ بیان کے آخر میں اس بات کو بطور خاص کہا گیا ہے کہ شہریوں کی زندگیاں اور سلامتی مملکت کے لیے اعلی ترین ترجیح ہے۔ عوام سے بھی اپیل ہے کہ وہ افواہوں پر مبنی اور غیر سرکاری طور پر جاری وڈیوز کو سوشل میڈیا پر شیئر نہ کریں