حزب اللہ: مشرقی لبنان میں اسرائیلی ہیلی کاپٹر کی دراندازی کا سامنا کرنا پڑا
حزب اللہ نے ہفتے کے روز کہا ہے کہ اس نے اسرائیلی فوجیوں کا سامنا کیا جنہوں نے راتوں رات مشرقی لبنان کے ایک قصبے میں دراندازی کی جبکہ لبنانی حکام نے اس علاقے پر اسرائیلی حملوں میں کم از کم 16 افراد کی ہلاکت کی اطلاع دی۔
ایک بیان میں حزب اللہ نے کہا کہ اس کے مزاحمت کاروں نے "شام کی سمت سے اسرائیلی دشمن کے چار فوجی ہیلی کاپٹروں کی دراندازی کا مشاہدہ کیا ہے۔"
حزب اللہ نے کہا کہ ہیلی کاپٹر کے اترنے کے بعد پیش قدمی کرنے والے دستے کی حزب اللہ مزاحمت کاروں کے ایک گروپ سے "جھڑپ" ہوئی جب وہ نبی شیت قصبے کے ایک قبرستان میں پہنچے۔
نیز کہا کہ "دشمن کی طاقت کے بے نقاب ہونے کے بعد جھڑپ میں اضافہ ہوا" اور اسرائیلی فوجیوں نے انخلاء سے قبل شدید حملے شروع کر دیے۔
علاقے میں اے ایف پی کے ایک نامہ نگار نے تمام رات جنگی طیاروں اور شدید فائرنگ کی آوازیں سنیں۔
لبنان کا مشرق خاص طور پر نبی شیت جہاں حزب اللہ کا غلبہ ہے، جمعہ کے روز بھاری اسرائیلی حملوں کا نشانہ بنا جس پر لبنان کی سرکاری خبر رساں ایجنسی (این این اے) کے مطابق کم از کم 13 حملے ہوئے۔
لبنان کی وزارتِ صحت نے کہا ہے کہ علاقے میں ہونے والے حملوں میں کم از کم 16 افراد ہلاک اور 35 زخمی ہوئے ہیں۔
ایرانی سپریم لیڈر علی خامنہ ای کے قتل کا بدلہ لینے کے لیے حزب اللہ نے اسرائیل پر میزائل داغے جس کے بعد سے اسرائیل نے لبنان میں متعدد حملے کیے ہیں اور زمینی فوج بھیجی ہے۔
نومبر 2024 میں سپیشل یونٹ کے دستوں نے حزب اللہ کے کارکن عماد امہز کو شمالی شہر بترون سے گرفتار کر لیا تھا جس کے بعد سے نبی شیت چھاپہ لبنان کے اندر اسرائیلی افواج کا گہرا ترین حملہ ہو گا۔
این این اے نے ہفتے کے روز پہلے یہ بھی کہا تھا، "اسرائیلی لینڈنگ کی کوششیں پسپا کرنے کے لیے لبنان اور شام کی سرحد سے متصل مشرقی پہاڑی سلسلے میں جھڑپیں ہو رہی ہیں۔"
