نشریات کے دوران اینکر نے غلطی سے لبنان کی جگہ تہران کہہ دیا، عوام اور میڈیا میں ہنگامہ

فرانسیسی اینکر کی براہِ راست نشریات میں غلطی نے سوشل میڈیا پر ہنگامہ کھڑا کر دیا،فرانسیسی چینل BFMTV کی اینکر ایمیلی بروسولو پچھلے دو دنوں میں سوشل میڈیا پر ٹرینڈ کر رہی ہیں۔براہِ راست نشریات کے دوران ایمیلی کچھ الجھن کا شکار دکھائی دیں اور متعدد غلطیاں کر گئیں۔

جب چینل کا رپورٹر لبنان کی دارالحکومت بیروت سے خبریں دے رہا تھا، اینکر نے پوچھا:تو آپ اسرائیلی دارالحکومت میں ہیں… میرا مطلب ہے ایرانی دارالحکومت۔ رپورٹر نے جواب دیا: نہیں، یہ لبنان کا دارالحکومت ہے۔

اینکر نے بعد میں کہا:آہ، لبنانی، معاف کریں… ہم ہر محاذ کی کوریج کر رہے ہیں، اس لیے کبھی کبھی الجھ جاتے ہیں… تو آپ لبنان کے دارالحکومت تہران میں ہیں۔

یہ غلطی سوشل میڈیا پر وائرل ہو گئی اور کئی لوگوں نے اینکر کی کنفیوژن پر طنز کیا، جبکہ کچھ نے ان کے موقف اور دیگر صحافیوں کی محنت کی تعریف بھی کی، خاص طور پر جنگ کے دوران۔

یاد رہے کہ 28 فروری سے مشرق وسطیٰ میں ایران کے ایک جانب اور امریکہ و اسرائیل کے دوسری جانب جاری جنگ میں سینکڑوں ایرانی مقامات پر امریکی و اسرائیلی حملے ہوئے۔

تہران نے بھی خلیجی ممالک اور عراق و اردن میں امریکی ٹھکانوں کے خلاف میزائل اور ڈرون حملے کیے۔

اس دوران حزب اللہ نے لبنان میں اسرائیل کی جانب میزائل اور ڈرون داغے، جس پر اسرائیل نے جنوبی لبنان اور بیروت کی جنوبی نواحی علاقے پر تباہ کن فضائی حملے کیے۔