امارات نے 12 میزائل مار گرائے جبکہ کویتی فوج کا پانچ بیلسٹک میزائل تباہ کر نے کا دعویٰ

خلیجی ممالک کے دفاعی نظام مسلسل ایرانی حملوں کو ناکام بنانے کا سلسلہ جاری رکھے ہوئے ہیں، جہاں متحدہ عرب امارات کی فضائیہ نے 8 بیلسٹک میزائلوں، 4 کروز میزائلوں اور 36 ایرانی ڈرونز کا مقابلہ کرتے ہوئے انہیں فضا میں تباہ کردیا۔ یہ معلومات اماراتی وزارت دفاع کے ایک بیان میں فراہم کی گئی ہیں۔

اسی طرح کویتی فوج نے بھی آج اپنی فضائی حدود میں داخل ہونے والے 5 دشمن بیلسٹک میزائلوں اور 7 دشمن ڈرونز کو کامیابی سے نشانہ بنانے کی صلاحیت کا مظاہرہ کیا، جن سے طے شدہ طریقہ کار کے مطابق نمٹا گیا۔

اماراتی حکام کا کہنا ہے کہ ایرانی جارحیت کے آغاز سے اب تک ان کے فضائی دفاعی نظام نے مجموعی طور پر 433 بیلسٹک میزائلوں، 19 کروز میزائلوں اور 1977 ڈرونز کا مقابلہ کیا ہے۔ انہوں نے اس بات پر زور دیا کہ وہ کسی بھی خطرے سے سختی کے ساتھ نمٹنے کے لیے تیار ہیں۔

دوسری جانب کویت نے بتایا کہ ایرانی حملوں کے آغاز سے اب تک اس نے تقریباً 636 ایرانی ڈرونز، 312 بیلسٹک میزائلوں اور 2 کروز میزائلوں کو ناکام بنایا ہے۔

خلیجی ممالک کے دفاعی ادارے اپنی فضائی حدود میں ایرانی فضائی خطرات کے خلاف دفاعی صلاحیتوں کو برقرار رکھے ہوئے ہیں۔ ان ممالک نے اس بات پر زور دیا ہے کہ اقوام متحدہ کے چارٹر کے آرٹیکل 51 اور بین الاقوامی قانون کی دفعات کے تحت انہیں اپنی سلامتی، استحکام، وسائل اور دولت کے تحفظ کے لیے تمام ضروری اقدامات کرنے اور ان حملوں کا جواب دینے کا مکمل حق حاصل ہے۔