ٹرمپ سے بہترین گفتگو ہوئی، ہم ایران پر دباؤ ڈالنے کے لیے تعاون کر رہے ہیں: نیتن یاہو

اسرائیلی وزیر اعظم بنیامین نتنياهو نے اعلان کیا ہے کہ انہوں نے ایران کے بارے میں امریکی صدر ڈونلڈ ٹرمپ کے ساتھ ایک بہترین ٹیلی فون کال کی ہے۔

انہوں نے ایک ویڈیو خطاب میں یہ بھی کہا کہ ہم تہران پر دباؤ ڈالنے کے لیے ٹرمپ کے ساتھ مکمل تعاون سے کام کر رہے ہیں۔ بیروت کے ساتھ جنگ بندی میں توسیع کے بعد اپنے پہلے بیان میں نیتن یاہو نے کہا کہ ہم نے اسرائیل اور لبنان کے درمیان ایک تاریخی امن تک پہنچنے کا راستہ شروع کر دیا ہے اور یہ ہمارے لیے واضح ہے کہ حزب اللہ اسے سبوتاژ کرنے کی کوشش کر رہی ہے۔

امریکی صدر ٹرمپ نے جمعرات کو واشنگٹن میں لبنان اور اسرائیل کے درمیان مذاکراتی سیشن کے بعد جنگ بندی میں تین ہفتوں کی توسیع کا اعلان کیا تھا لیکن حزب اللہ نے پارلیمنٹ میں اپنے رکن علی فیاض کے ذریعے یہ موقف اختیار کیا کہ جاری جارحانہ کارروائیوں کے پیش نظر اس توسیع کا کوئی مطلب نہیں ہے۔

علی فیاض نے ایک بیان میں مزید کہا کہ کسی بھی لبنانی ہدف کے خلاف ہر اسرائیلی جارحیت، اس کی نوعیت کچھ بھی ہو، ہمیں متناسب جواب دینے کا حق دیتی ہے۔ دریں اثنا لبنانی وزارت صحت نے بتایا کہ جمعہ کو جنوبی لبنان کے قصبے تولین پر اسرائیلی فضائی حملے کے نتیجے میں دو افراد جاں بحق ہوگئے ہیں۔