ارامکو، سلوشنز بائے ایس ٹی سی کے درمیان جدید ترین سپر کمپیوٹر تعینات کرنے کے لیے اشتراک

سعودی ارامکو نے کہا کہ وہ اعلیٰ کارکردگی والے جدید تیرن سپر کمپیوٹر تعینات کرنے کے لیے سلوشنز بائے ایس ٹی سی سے اشتراک و تعاون کر رہا ہے جس کا مقصد اپنے اپ اسٹریم آپریشنز میں ڈیجیٹل اختراعات کو تقویت دینا ہے۔

بدھ کو جاری کردہ ایک بیان میں کمپنی نے کہا ہے کہ یہ اقدام اس کی موجودہ ڈیجیٹل تبدیلی کا حصہ ہے اور یہ "ارامکو کی تاریخ میں کمپیوٹنگ انفراسٹرکچر کی سب سے بڑی تعیناتی" کی علامت ہو گا جس سے ہائیڈروکاربن کی دریافت اور بازیافت کی صلاحیتوں میں اضافہ ہو گا۔

بیان کے مطابق نیا نظام جدید سیسمک ڈیٹا پروسیسنگ اور وسیع ذخائر کی ماڈلنگ کی معاونت کرے گا جو "ارامکو کے اپ اسٹریم آپریشنز کے لیے کمپیوٹنگ کی فی الحال دستیاب گنجائش سے سات گنا زیادہ ہے۔"

"ہائیڈروکاربن کی تلاش اور ذخائر کے انتظام کے لیے جو ممکن ہے، ارامکو کا ڈیجیٹل ارتقاء اسے ایک نئے معنی دے رہا ہے،" EXPEC اور ڈرلنگ کے حوالے سے ارامکو کے ایگزیکٹو نائب صدر عبدالحمید اے الدغیثر نے کہا گیا۔

نیز کہا، "اس جدید ترین سپر کمپیوٹر کے ساتھ ہمارا مقصد کمپیوٹیشنل مہارت میں ایک نیا معیار قائم کرنا ہے۔"

کمپنی نے توقع ظاہر کی ہے کہ ٹیکنالوجی "ہائیڈروکاربن کی دریافت اور بحالی کی رفتار اور درستگی کو از سرِ نو متعین کرے گی" جبکہ بحالی کی شرح کو زیادہ سے زیادہ اور پورے سعودی عرب میں فیلڈ کی طویل عمری میں توسیع کرے گی۔

ایس ٹی سی سلوشنز کے سربراہ عمر النعمانی نے کہا کہ یہ تعاون "جدید ترین اعلی کارکردگی والی کمپیوٹنگ صلاحیتوں کو بروئے کار لاتے ہوئے توانائی کے شعبے کو بااختیار بنانے کی جانب ایک تزویری قدم کی نمائندگی کرتا ہے" اور اس سے ایکسپلوریشن اور پروڈکشن آپریشنز کی کارکردگی بہتر ہو گی۔

بیان میں کہا گیا ہے کہ 372.5 ملین ڈالر (1.4 بلین سعودی ریال) کا منصوبہ 2027 کے اوائل تک مکمل ہونے کی توقع ہے اور یہ عالمی توانائی کے شعبے میں ارامکو کی ڈیجیٹل قیادت کی بنیاد کے طور پر کام کرے گا۔