سعودی عرب کا خلیجی ممالک پر ہونے والے کھلے حملوں کو فوری طور پر روکنے کا مطالبہ

سعودی عرب کی وزارت خارجہ نے متحدہ عرب امارات، قطر اور کویت کی سرزمین اور علاقائی پانیوں پر ہونے والے حملوں کی شدید ترین الفاظ میں مذمت کی ہے۔

سعودی وزارت خارجہ کے بیان کے مطابق، سعودی عرب نے اپنی سلامتی اور استحکام کے تحفظ کے لیے برادر خلیجی ممالک کی جانب سے کیے جانے والے تمام اقدامات کے ساتھ کھڑے ہونے کے عزم کا اعادہ کیا ہے۔

وزارت نے بیان میں کہا کہ سعودی عرب خلیجی ممالک کی سرزمین اور ان کے علاقائی پانیوں پر ہونے والے کھلے حملوں، اور آبنائے ہرمز کو بند کرنے یا بین الاقوامی آبی گزرگاہوں میں خلل ڈالنے کی کسی بھی کوشش کو فوری طور پر روکنے کا مطالبہ کرتا ہے۔

وزارت نے متعلقہ بین الاقوامی قوانین کے مطابق بین الاقوامی بحری گزرگاہوں کے تحفظ کی پابندی کی اہمیت پر بھی زور دیا۔