سربراہ اقوامِ متحدہ کا شرق اوسط میں تشدد کے خاتمے کا مطالبہ

سیکریٹری جنرل اقوامِ متحدہ انتونیو گوتریس نے منگل کو شرقِ اوسط میں تشدد کے از سرِ نو اضافے پر "سخت پریشانی" کا اظہار اور اسرائیل سے غزہ میں راہداری دوبارہ کھولنے کا مطالبہ کیا ہے۔

"تمام حملے فوراً بند ہونے چاہئیں۔ لبنان، ایران اور غزہ میں جنگ بندی کا مکمل احترام ہونا چاہیے،" انہوں نے ایکس پر ایک پوسٹ میں کہا۔

ایران نے اسرائیل پر میزائل داغے جسے اس نے لبنان کے دارالحکومت پر اسرائیلی حملوں کے خلاف جوابی کارروائی قرار دیا جس کے بعد اسرائیل نے پیر کے روز ایران میں اہداف کو نشانہ بنایا۔ یہ اپریل میں جنگ بندی کے بعد پہلی بار ہوا۔

پیر کے روز جب ٹرمپ نے اسرائیل اور ایران کو حملے بند کرنے کو کہا تو دونوں نے تبادلے روکنے کا مطالبہ کیا حالانکہ انہوں نے ممکنہ طور پر دوبارہ حملے شروع ہو جانے کا امکان بھی ظاہر کیا۔

گوتیریس نے یہ بھی کہا ہے کہ اسرائیل کو غزہ میں بند راہداری کھول دینی چاہیے تاکہ انسانی امداد کی روانی ممکن ہو۔

انہوں نے کہا، "میں اسرائیل کے غزہ میں راہداری بند کرنے کے فیصلے پر بھی گہری تشویش میں ہوں اور تمام راہداریوں کو فوراً دوبارہ کھولنے کے مطالبے کا اعادہ کرتا ہوں تاکہ غزہ میں وسیع پیمانے پر انسانی امداد کی تیز، محفوظ اور بلاتعطل روانی یقینی ہو۔"