حزب اللہ: جنوب میں اسرائیلی افواج کی ’دراندازی کی کوشش‘ کا سامنا کیا

حزب اللہ نے ہفتے کے روز کہا ہے کہ مزاحمت کاروں نے راتوں رات اسرائیلی افواج کا سامنا کیا جنہوں نے جنوبی شہر نبطیہ کے مقابل تزویری اہمیت کی حامل پہاڑیوں کی طرف دراندازی کی کوشش کی۔

ایران کے حمایت یافتہ گروپ نے ایک بیان میں کہا، "جنگ بندی کی آڑ میں دشمن نے گذشتہ رات دوبارہ علی طاہر پہاڑیوں کی طرف دراندازی کی کوشش کی۔" نیز کہا کہ مزاحمت کاروں نے اسرائیلی فوجیوں پر گھات لگا کر حملہ کیا اور "مناسب ہتھیاروں سے ان کا مقابلہ کیا۔"

بیان میں مزید کہا گیا ہے کہ حزب اللہ "اعلان کرتی ہے کہ اگرچہ یہ جنگ بندی پر قائم ہے لیکن دشمن کی کسی بھی کوشش کا مقابلہ کرنے میں نرمی نہیں برتی جائے گی۔