نیتن یاہو کا امریکہ پر زور: ترکیہ کو ایف-35 لڑاکا طیارے فروخت نہ کیے جائیں

اسرائیلی وزیرِ اعظم بنجمن نیتن یاہو نے پیر کو امریکہ پر زور دیا ہے کہ وہ ترکیہ کو اپنے جدید ایف-35 لڑاکا طیارے فروخت نہ کرے۔ اس کے لیے یہ دلیل دی گئی ہے کہ اس سے خطے میں "طاقت کا توازن بگڑ جائے گا"۔

نیتن یاہو نے فاکس نیوز کے مارننگ شو "فاکس اینڈ فرینڈز" سے گفتگو کرتے ہوئے کہا، "میرا نہیں خیال کہ انہیں ایف 35 یا ان کے لڑاکا طیاروں کے انجن دینے چاہئیں کیونکہ اس سے شرقِ اوسط میں طاقت کا توازن بگڑ جائے گا جس کی بالآخر ضمانت اسرائیل کی فضائی برتری سے ہے اور شرقِ اوسط میں امریکہ کے مؤقف سے بھی۔"

امریکی صدر ڈونلڈ ٹرمپ جنہیں نیتن یاہو اپنا قریبی اتحادی سمجھتے ہیں، پیر کے آخر میں نیٹو سربراہی اجلاس میں شرکت کے لیے انقرہ روانہ ہونے والے ہیں۔