صدر پاکستان اور ان کی اہلیہ نے کرونا ویکسین لگوا لی

صدر مملکت ڈاکٹر عارف علوی اور ان کی اہلیہ بیگم ثمینہ عارف علوی کو کرونا کی ویکسین لگا دی گئی۔

ویکسین لگوانے کے لیے صدر مملکت کوویڈ ویکسینیشن مرکز، ترلائی (اسلام آباد) پہنچے جہاں صدر مملکت اور بیگم ثمینہ عارف علوی کو کرونا کی ویکسین لگائی گئی۔

اس موقع پر اظہار خیال کرتے ہوئے انھوں نے کہا کہ دنیا بھر میں اشرافیہ نے لائن توڑ کر ویکسین لگوائی۔ پاکستان میں عمر کے حساب سے اپنی باری پر ویکسین لگائی جارہی ہے.

صدر پاکستان نے بتایا کہ میں نے 1166 پر رجسٹر کیا اور نمبر آنے پر ویکسین لگوائی۔ حکومت نے ویکسی نیشن کا آسان اور بہترین نظام بنایا ہے۔

انھوں نے کہا ویکسین ملنے کے باوجود احتیاط جاری رکھیں۔ کرونا کی تیسری لہر کے پیشِ نظر ماسک پہننا، ہاتھ دھونا اور فاصلہ برقرار رکھنا جاری رکھیں۔ حکومت کے اسمارٹ لاک ڈاؤن پالیسی اپنانے سے معاشی نقصان کم ہوا۔