لاہور: مریم نواز نجی ایئر لائن کی پرواز سے براستہ دوحہ لندن روانہ

پاکستان مسلم لیگ( ن) کی نائب صدر مریم نواز اپنا پاسپورٹ حاصل کرنے کے بعد آج [بروز بدھ] نجی ایئر لائن 'قطر ایئر ویز' کی پرواز QR-629 کے ذریعے سے صبح 09:45 پر براستہ دوحہ لندن روانہ ہوگئیں۔

اطلاعات کے مطابق مریم نواز تقریبا ایک ماہ لندن میں قیام کریں گی جس کے بعد ان کا اپنے والد میاں نواز شریف کے ہمراہ وطن واپس آنے کا امکان ہے۔

واضح رہے کہ پیر کے روز لاہور ہائی کورٹ کے تین رکنی بینچ نے مریم نواز کی درخواست پر سماعت کرتے ہوئے ان کا پاسپورٹ واپس کرنے کا حکم جاری کیا تھا۔

مریم نواز کا پاسپورٹ نیب نے احتساب کیسز میں زیر تفتیش ہونے کے سبب ضبط کیا ہوا تھا اور اب عدالت کے حکم پر چار سال بعد پاسپورٹ واپس دیا گیا ہے۔