پاکستان فوج کے سربراہ جنرل عاصم منیر سعودی عرب اور متحدہ عرب امارات کے سرکاری دورے پر ہیں جہاں سعودی عرب میں ان کی ملاقات وزیر دفاع شہزادہ خالد بن سلمان سے ہوئی۔
سعودی وزیر دفاع نے اپنی ایک ٹویٹ میں اس ملاقات کی تصدیق کی ہے۔ ٹویٹ پیغام میں شہزادہ خالد کا کہنا تھا کہ انہیں پاک فوج کے سربراہ جنرل عاصم منیر سے مل کر انتہائی مسرت ہوئی۔ ملاقات میں دونوں رہنماؤں نے برادر ملکوں پاکستان اور سعودی عرب کے درمیان تزویراتی شراکت کی ضرورت پر زور دیا۔
Pleased to meet H.E General Asim Munir, Pakistan’s Chief of Army Staff. We emphasized the strategic partnership between our brotherly countries, reviewed the bilateral military and defense relations, and discussed ways of strengthening our cooperation. pic.twitter.com/HAtcNKX6O3
— Khalid bin Salman خالد بن سلمان (@kbsalsaud) January 4, 2023
دوران ملاقات دو طرفہ فوجی اور دفاعی تعلقات پر بھی تبادلہ خیال کیا گیا۔ نیز پہلے سے موجود ان شعبوں میں تعاون کو مزید مضبوط بنانے کے طریقوں پر بھی غور کیا گیا۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف برادر ممالک کی سینئر قیادت سے ملاقات کریں گے۔ آئی ایس پی آر کے مطابق ملاقات میں باہمی دلچسپی کے امور، فوجی تعاون اور دوطرفہ امور پر بات ہو گی۔
