پاکستانی حج مشن کا پہلا دستہ انتظامات کو حتمی شکل دینے کیلئے مکہ پہنچ گیا

پاکستانی حج مشن کا پہلا دستہ پاکستانی عازمین کیلئے انتظامات کو حتمی شکل دینے کیلئے مکہ مکرمہ پہنچ گیا ہے۔

حج مشن میں 19 معاونین، 66 طبی ماہرین اور وزارت مذہبی امور کے 52 ملازمین سمیت 138 ارکان شامل ہیں۔

مشن پاکستانی عازمین حج کیلئے رہائش، ٹرانسپورٹ اور کھانے کی سہولیات سمیت دوسرے انتظامات مکمل کرنے کے علاوہ طبی کیمپ بھی لگائے گا۔

پاکستانی عازمین کیلئے حج پروازیں کل سے شروع ہوں گی۔ 2019 کے بعد یہ پہلا موقع ہو گا جب تقریبا ایک لاکھ اسی ہزار عازمین فریضہ حج کی ادائیگی کیلئے سعودی عرب جائیں گے۔