پشاور کی موبائل مارکیٹ میں آتشزدگی؛ 200 دکانیں جل کر راکھ کا ڈھیر بن گئیں

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

صوبہ خبیرپختونخوا کے صدر مقام پشاور میں صدر کے علاقے میں قائم موبائل فون مارکیٹ میں رات گئے لگنے والی آگ لگنے سے 200 کے قریب دکانیں جل گئیں۔ ٹائم سینٹر نامی پلازہ میں لگی آگ پر پانچ گھنٹے بعد قابو پا لیا گیا۔

میڈیا رپورٹس کے مطابق موبائل مارکیٹ میں اچانک آگ بھڑک اٹھی جس سے کروڑوں کا سامان جل کر خاکستر ہو گیا، حکام نے ابتدائی طور پر شارٹ سرکٹ کو آگ لگنے کی وجہ قرار دیا ہے۔

فائر بریگیڈ کی 26 سے زائد گاڑیاں اور 130 سے زائد فائر فائٹرز نے بڑی جدوجہد کے بعد آگ پر قابو پایا جبکہ دیگر اضلاع سے بھی فائر فائٹرز کی ٹیمیں اور فائر بریگیڈ کی گاڑیاں بلوالی گئی تھیں۔

ریسکیو حکام کا کہنا ہے کہ موبائل مارکیٹ کی دو منزلہ عمارت میں تقریبا 200 دکانیں ہیں، مارکیٹ میں موجود بیٹریاں اور یو پی ایس پھٹنے سے آگ کی شدت میں اضافہ اور کنٹرول کرنے میں مشکلات پیش آئیں۔

حکام کے مطابق موبائل مارکیٹ کے قریب واقع گھروں کو خالی کرا لیا گیا، فوری طور پر کسی جانی نقصان کی اطلاع نہیں ملی۔

مقبول خبریں اہم خبریں

مقبول خبریں