شادی کے روز دولہا کو ملنے والا تحفہ.. حاضرین کے سامنے خاکستر!

سوشل میڈیا پر سرگرم کارکنان نے اس وڈیو کلپ کی تصدیق کی ہے جس میں شادی کے روز دولہا کو تحفے میں پیش کی جانے والی گاڑی میں آگ بھڑکتے ہوئے دکھایا گیا ہے۔

تفصیلات کے مطابق سعودی عرب میں ایک شادی کے موقع پر دولہا کو بطور تحفہ دی جانے والی نئے ماڈل کی ٹویوٹا ڈبل کیبن گاڑی تقریب کے مقام پر پہنچا دی گئی تھی۔ گاڑی کے پہنچنے کے کچھ دیر بعد ہی اچانک اس میں آگ بھڑک اٹھی جس کی وجہ سامنے نہ آسکی۔ تقریب میں موجود افراد نے گاڑی میں لگی آگ کو بجھانے کی حتی الامکان کوشش کی تاہم کوئی فاہدہ نہ ہوا۔