.

یہ لڑکی باپ کے قدموں میں بیٹھی کیا کر رہی ہے ؟

پہلی اشاعت: آخری اپ ڈیٹ:

سوشل میڈیا کی معروف ویب سائٹ ٹوئیٹر پر ایک تصویر زیر گردش ہے جس میں ایک عرب لڑکی وہیل چیئر پر برا جمان اپنے بوڑھے والد کے قدموں میں بیٹھی ہے۔ انتہائی احترام اور عاجزی کے ساتھ گھاس پر بیٹھی اس لڑکی کی یہ تصویر والدین کے ساتھ حسن سلوک کا بہترین منظر پیش کر رہی ہے۔

تصویر پر کیے جانے والے ایک تبصرے میں کہا گیا کہ لڑکیوں کی پیدائش پر بہت سے لوگ سخت تنگی محسوس اور پریشانی محسوس کرتے ہیں۔ بعض دیگر لوگوں نے تبصرہ کرتے ہوئے کہا کہ لڑکیاں ہمیشہ والدین پر جان نچھاور کرنے والی ہوتی ہیں اور جن کو اولاد میں لڑکیوں سے نہیں نوازا گیا ہوتا انہوں نے گویا محبت اور پیار کا مزہ ہی نہیں چکھا ہوتا۔