آخر کیوں! خاتون اینکر نے براہ راست ٹی وی شو میں سر کے بال منڈوا لئے

دنیا بھر میں چھاتی کے سرطان جیسے موذی مرض کے پھیلاﺅ سے متعلق آگاہی مہم کے دوران معروف خاتون سعودی ٹی وی اینکر امیمہ التمیمی اس مرض میں مبتلا خواتین سے اظہار یکجہتی کے لئے اپنے براہ راست ٹی وی شو میں سر کے بال منڈوا لئے۔

ماہر نفسیات اور ٹی وی اینکر امیمہ التمیمی خلیجیہ چینل پر ‘سیدتی’ کے عنوان سے ایک مقبول عام پروگرام پیش کرتی ہیں۔

امیمہ نے سر کے بال منڈوانے سے قبل ناظرین کو مخاطب کرتے ہوئے کہا کہ وہ چھاتی کے سرطان پر کافی گفتگو کر چکی ہیں۔ اب وہ ایک بے نظیر اقدام کرنے جا رہی ہیں۔ امیمہ نے بال منڈوانے کیلئے اناﺅنسر کی نشست سے اٹھتے وقت ناظرین سے درخواست کی کہ وہ آخری لمحے تک مجھے دیکھتے رہیں۔ اس پروگرام کا اختتام وہ انتہائی خوبصورت پیغام دیے کر کرنا چاہیں گی۔

اینکر امیمہ اپنے پروگرام میں بار بار یہ کہتی رہیں کہ چھاتی کا سرطان آزمائش نہیں بلکہ ربانی عطیہ ہے۔ بال منڈواتے ہی امیمہ کو انکی رفیقِ کار عبیر البال نے پیار کیا اور ان کے ساتھ اظہار یکجہتی کے طور پر زار و قطار رو کر منظر کو انتہائی جذباتی بنا دیا۔