بیرون ملک سے عمرہ زائرین کے لیے نئی شرائط کیا ہوں گی؟ جانیے

سعودی عرب کی وزارت حج وعمرہ نے عمرہ ویزے پر سعودی عرب آنے والوں کے لیے نئی ہدایت جاری کی ہے۔

تفصیلات کے مطابق وزارت نے کہا ہے کہ ’کرونا اور اس کی متعدد نئی قسموں کے انسداد کے لیے عمرہ پر آنے والوں کے لیے نئے ضابطے کا اعلان کیا جا رہا ہے‘۔

وزارت نے کہا ہے کہ ’جو لوگ عمرہ ویزے پر سعودی عرب آ رہے ہیں ان کے لیے ضروری ہے کہ سفر سے 48 گھنٹہ پہلے پی سی آر ٹیسٹ کروائیں‘۔

’یہ شرط سعودی عرب میں داخلے کے لیے ضروری ہے خواہ آنے والے مسافر نے کرونا ویکسین کی خوراکیں مکمل کیوں نہ کر رکھی ہوں‘۔

وزارت نے کہا ہے کہ ’اس ہدایت پر بروز بدھ 9 فروری رات ایک بجے سے عمل ہوگا‘۔