مرحوم بھائی کی گاڑی دیکھ کر روتی بہن کی ویڈیو، جس نے سعودیوں کو آبدیدہ کر دیا

درد اور آنسوؤں میں ڈوبے جذبات کے ساتھ، ایک سعودی لڑکی نے کل اپنے مرحوم بھائی کی گاڑی میں داخل ہوتے ہوئے جس طرح اپنے دکھ کا اظہار کیا اسے دیکھ کر لاکھوں آنکھیں نم ہو گئیں۔

سماجی ذرائع ابلاغ پر بے شمار سعودی شہریوں نے اس اداس اور جذباتی لمحے کو شیئر کیا۔

ویڈیو میں ایک بہن اپنے بھائی کی موت کے ڈیڑھ ماہ بعد اس کی کار کھولتی ہے اور مرحوم بھائی سے وابستہ سامان دیکھ کر آبدیدہ ہوجاتی ہے۔

کار میں لڑکی کو اپنے بھائی کی عینک، ایک موبائل فون اور ایک چھوٹا سا ٹیڈی بیئر ملا جسے دیکھ کر وہ رو دی۔

دیکھنے والوں نے مرحوم بھائی کے لیے مغفرت اور بہن کے لیے صبر کی دعا کی۔