لیبیا: انصار الشرعیہ کا بنغازی میں اسلامی امارت کا اعلان

لیبیا کی اسلامی عسکریت پسند گروپ انصار الشرعیہ نے بن غازی شہر پر قبضے کے اعلان کے ساتھ ہی شہر میں اسلامی امارت کے قیام کا اعلان کردیا ہے۔

انصارالشرعیہ کو امریکا نے دہشت گرد قرار دے رکھا ہے۔ اس گروپ پر بن غازی میں امریکی سفارتی مشن پر حملہ کرنے کا الزام رہا ہے۔

اس گروپ کے نمائندے اور ترجمان محمد الزہاوی نے مقامی ریڈیو کو بتایا" بنغازی پر اب النصار الشرعیہ کا کنٹرول ہے، اس لیے اب یہ شہر اسلامی امارت بن گیا ہے۔"

دوسری جانب لیبیا کے ایک سابق فوجی جنرل خلیفہ حفتر نے اس گروپ کے دعوے کی تردید کی ہے۔ واضح رہے اس سابق جنرل نے رواں سال کے شروع میں بنغازی سے اسلام پسندوں کا صفایہ کرنے کا اعلان کیا تھا۔

خیال رہے کہ انصارالشرعیہ کا یہ اعلان اس دو روزہ سخت لڑائی کے بعد سامنے آیا ہے جس میں اسلام پسند عسکریت پسندوں نے فوجی اڈے پر قبضہ کر لیا تھا۔ اس واقعے کو'' العربیہ '' کے نمائندے نے رپورٹ کیا تھا۔

بن غازی شوری کونسل کے رکن طلال نے کہا ہے کہ اسلامی عسکریت پسند وں نے فوجی اڈے پر قبضہ کر لیا ہے۔