لبنانی فنکارہ نیو ائیر نائٹ میں پرفارمنس کے دوران گر پڑی

لبنان کی معروف فنکارہ الیساء کو نئے سال کی آمد کی خوشی کے لیے منعقدہ تقریب میں اس وقت قدرے ناخوشگوار صورت حال کا سامنا کرنا پڑ گیا، جب انہیں اپنے فن کا مظاہرہ کرتے ہوئے سٹیج پر ٹھوکر لگ گئی۔

لبنان کی مقبول عام فنکارہ الیساء کا جوتا سٹیج پر رکھے ایک سپیکر کے ساتھ پر فارمنس کے دوران الجھ گیا تو پرفارمنس دیکھنے کے لیے موجود پر جوش شائقین نے تالیاں بجا کر فنکارہ کے ساتھ اظہار یکجہتی کیا، جبکہ فنکارہ کے ساتھی دوڑ کر اس کی طرف لپکے۔

اس دوران لبنانی فنکارہ نے بڑے تحمل کے ساتھ صورت حال کو سنبھالا اور ذرا پریشان نہ ہوئیں۔ وہ دوبارہ سے اٹھیں اور گانا شروع کر دیا۔ اس سارے منظر کو کیمرے نے محفوظ کر لیا۔