باغیوں کی بیدخلی کے لیے فوجی کمک مآرب پہنچا دی گئی

یمن میں حوثی باغیوں کے خلاف برسرپیکار عوامی مزاحمتی تحریک کے ذرائع نے بتایا ہے کہ عرب اتحادیوں کی جانب سے بھجوائی گئی فوجی کمک وسطی صوبے مارب کے علاقے صافر میں پہنچ گیا ہے۔

ذرائع نے مزید بتایا کہ فوجی کمک میں ٹینک، آرمرڈ گاڑیاں، اے پی سی، میزائل لانچنگ پیڈ، خودکار توپیں اور دیگر فوجی ساز وسامان شامل ہے۔

انہی ذرائع کے بقول یہ اسلحہ مختلف محاذ جنگ پر بھیجا جائے گا اور مارب اور الجوف گورنریوں کو واگذار کرانے کی جدوجہد میں مصروف محاذوں تک پہنچایا جائے گا۔

دارالحکومت صنعا کی واپسی کے لئے فیصلہ کن حملے کے تناظر میں اس کارروائی کا مقصد دونوں اہم علاقوں کو حوثی ملیشیا اور برطرف صدر علی عبداللہ صالح کی باقیات سے پاک کرنا ہے۔