امریکا کا شامی بحران کے حل کے لیے روسی تجویز پر غور

روسی وزیر خارجہ سرگئی لاروف نے کہا ہے کہ ان کے ملک نے امریکا کو شام میں جاری بحران کے حل کے لیے ایک ٹھوس منصوبہ پیش کیا ہے۔

روسی خبررساں ایجنسی ریا کے مطابق وزیرخارجہ لاروف کا کہنا ہے کہ امریکا اس تجویز کا جائزہ لے رہا ہے۔درایں اثناء امریکی وزیر خارجہ جان کیری نے ایک بیان میں روس پر زوردیا ہے کہ وہ شام میں جنگ بندی کے سمجھوتے کے لیے مدد کرے۔

انھوں نے کہا کہ ''شام میں روس کی سرگرمیوں کی وجہ سے شامی تنازعے کے حل کے لیے امن مذاکرات کا انعقاد مشکل ہوتا جارہا ہے''۔

انھوں نے صحافیوں سے گفتگو کرتے ہوئے کہا کہ ''روس کی حلب اور دوسرے علاقوں میں فوجی سرگرمیوں کی وجہ سے مذاکرات کی میز پر آنا اور سنجیدہ گفتگو کرنا مشکل تر ہوتا جا رہا ہے''۔