امریکی اسپیشل فورسز کا بھیجا جانا "شامی خودمختاری" کے خلاف ہے : روس

روسی خبر رساں ایجنسی ٹاس کے مطابق روسی نائب وزیر خارجہ سرگئی ریابکوف کا کہنا ہے کہ دمشق کے ساتھ ہم آہنگی کے بغیر امریکی اسپیشل فورسز کا شام بھیجا جانا، "شام کی خودمختاری کی خلاف ورزی" ہے۔

یاد رہے کہ چند روز قبل امریکی صدر باراک اوباما نے داعش کے خلاف جاری جنگ کے نتائج کو مؤثر بنانے کے لیے اسپیشل فورسز کےاہل کاروں سمیت امریکی فوج کے مزید 250 اہل کاروں کو شام بھیجنے کا اعلان کیا تھا۔