ایران کی طیارہ شکن فورسز نے تہران میں جاسوس ڈرون مار گرایا

ایران کی طیارہ شکن فورسز نے دارالحکومت تہران کے وسط میں ایک بغیر پائیلٹ جاسوس طیارے پر فائرنگ کی ہے اور اس کو مبینہ طور پر مار گرایا ہے۔

ایران کی خبررساں ایجنسی تسنیم نے سوموار کے روز صوبہ تہران کے گورنر عیسیٰ فرہادی کا ایک بیان نقل کیا ہے جس میں انھوں نے اس ڈرون کی جانب فائر کیے جانے کی اطلاع دی ہے اور کہا ہے کہ یہ تہران کے نوفلائی زون میں داخل ہوگیا تھا۔

البتہ گورنر کا کہنا ہے کہ ''یہ بغیر پائیلٹ طیارہ فوجی نہیں تھا اور ہم یہ بھی نہیں جانتے ہیں کہ یہ کس کا ملکیتی ہے''۔ایک اور ایرانی نیوز ایجنسی فارس نے اطلاع دی ہے کہ اس ڈرون کو مار گرایا گیا ہے۔