شاہ سلمان کی افغان صدر سے کابل حملے پر تعزیت

سعودی فرماں روا شاہ سلمان بن عبدالعزیز آل سعود نے جمعرات کے روز افغان صدر ڈاکٹر اشرف غنی احمد زئی سے فون پر رابطہ کر کے کابل کے فوجی ہسپتال میں ہونے والے دہشت گرد حملے میں انسانی جانوں کے ضایع ہونے پر اپنی تعزیت کا اظہار کیا۔

سعودی سرکاری نیوز ایجنسی SPA کے مطابق خادم حرمین شریفین نے اس موقع پر دعا فرمائی کہ اللہ رب العزت جاں بحق ہونے والوں کو اپنی جوار رحمت میں جگہ عطا فرمائے اور تمام زخمیوں کو جلد از جلد شفایاب فرمائے۔

افغان صدر نے شاہ سلمان کے احساسات اور جذبات پر اُن کا شکریہ ادا کیا۔