یمن: حوثیوں سے آزادی کے بعد المخاء اور حدیدہ بندرگاہیں بحالی کی راہ پر!

یمنی حکومت نے بحیرہ احمر کے ساحل پر موجود بندرگاہ المخاء کو حوثی باغیوں کے شکنجے سے آزاد کروانے کے بعد بحری جہازوں کی آمد ورفت کے لئے دوبارہ کھولنے کا فیصلہ کیا ہے۔

سعودی خبررساں ایجنسی "سعودی پریس ایجنسی" کے مطابق یمن کے نائب وزیر ٹرانسپورٹ ناصر شریف کا کہنا ہے کہ "وزارت ٹرانسپورٹ الحدیدہ اور المخاء کی بندرگاہوں کو استعمال میں لانے کے لئے ضروری اقدامات مکمل کررہی ہے۔"

اس سے پہلے المخاء بندرگاہ حوثی باغیوں کے قبضے میں تھی جس کے ذریعے سے وہ ہتھیار کی سپلائی برقرار رکھنے اور سمندری ٹریفک کی راہ میں رکاوٹیں ڈالنے کا کام لیتے تھے۔

پچھلے ہفتے کے دوران یمنی حکومت کی وفادار فورسز اور ان کے عرب اتحادیوں نے الحدیدہ پورٹ کو حوثیوں کے قبضے سے آزاد کروا لیا تھا۔ الحدیدہ پورٹ یمن میں کھانے پینے کی 70 فی صد اشیاء کی درآمد کے لئے استعمال ہوتی رہی ہے۔