.

یمن: فوجی آپریشن میں 5 سوڈانی فوجی جاں بحق، 22 زخمی

پہلی اشاعت: آخری اپ ڈیٹ:

سوڈان کی وزارت دفاع نے بتایا ہے کہ افسران سمیت اس کے پانچ فوجی یمن کے محاذ جنگ پر حوثی باغیوں سے لڑائی کے دوران شہید اور 22 زخمی ہوگئے ہیں۔

’العربیہ‘ ٹی وی کے مطابق سوڈانی فوج کی طرف سے جاری کردہ ایک بیان میں کہا گیا ہے کہ سوڈان کے پانچ فوجی حوثی ملیشیا اور مںحرف سابق صدر علی صالح کے وفادار جنگجوؤں کے حملے میں مارے گئے ہیں۔ اس حوالے سے مزید تفصیلات سامنے نہیں آسکیں۔

خیال رہے کہ سوڈانی فوج یمن میں آئینی حکومت کی بحالی کے لیے سعودی عرب کی قیادت میں قائم عرب عسکری اتحاد کا حصہ ہے۔ یمن جنگ آپریشن میں شمولیت کے بعد سوڈانی فوج کا یہ پہلا سب سے زیادہ جانی نقصان ہے۔