کردستان ریفرنڈم کے منسوخ ہونے کی توقع رکھتے ہیں: ترکی

ترکی کے وزیر خارجہ مولود چاوش اوگلو کا کہنا ہے کہ ان کا ملک کردستان کی قیادت کو اس امر سے آگاہ کرے گا کہ ریفرنڈم کا فیصلہ غلط ہے۔

اوگلو نے اس بات کی توقع ظاہر کی کہ اربیل کی حکومت کردستان کی خود مختاری کے حوالے سے مقررہ ریفرنڈم کو منسوخ کر دے گی۔

بغداد میں اپنے عراقی ہم منصب ابراہیم الجعفری کے ساتھ ایک پریس کانفرنس میں ترک وزیر خارجہ نے کہا کہ خطے کا امن و استحکام اس امر کا مطالبہ کرتا ہے کہ داعش تنظیم سے خلاصی حاصل کی جائے۔ اوگلو نے باور کرایا کہ کردوں کا مفاد متحد عراق میں پوشیدہ ہے۔