روہنگیا مسلمانوں پر حملے: سعودی عرب یو این میں قرارداد لانے کے لئے کوشاں

اقوام متحدہ میں سعودی عرب کے مشن نے مملکت کی جانب سے میانمار کی مسلمان روہنگیا اقلیت پر کئے جانے والے حالیہ حملوں کی شدید مذمت کی ہے۔

یو این سعودی مشن نے ایک ٹویٹ پیغام میں کہا ہے کہ اسلامی امہ کے رہنما کے طور پر سعودی عرب نے عالمی ادارے میں قرارداد لانے کا مطالبہ کیا ہے جس میں میانمار کی روہنگیا مسلمان اقلیت پر ڈھائے جانے والے مظالم اور انسانی حقوق کی خلاف ورزیوں کی مذمت کی جائے۔

اس مقصد کے لئے سعودی عرب نے سیکیورٹی کونسل کے ارکان سے رابطہ کیا ہے کہ وہ روہنگیا اقلیت کے خلاف روا رکھے جانے والے وحشیانہ مظالم کا نوٹس لے اور اسے اپنے ایجنڈے پر لیکر آئے۔ سعودی عرب نے عالمی ادارے کے سربراہ کے نام پیغام میں تشویش کا اظہار کیا ہے جس کے بعد اقوام متحدہ سے مذمت دیکھنے میں آئی۔

سعودی عرب روہنگیا مسلمانوں کی بے بسی کے خاتمے اور مسائل کے دیرپا حل کی خاطر اپنی کوششیں جاری رکھے گا۔