برطانوی وزیر خارجہ کی میزبانی میں یمن بحران پر عرب وزرائے خارجہ کا اجلاس
برطانیہ میں وزیر خارجہ بورس جانسن کی میزبانی میں عرب وزرائے خارجہ کا آج منگل کو ایک اجلاس ہورہا ہے جس میں یمن میں جاری بحران کے سیاسی حل پر غور کیا جارہا ہے۔ اجلاس میں امریکا اور اقوام متحدہ کے نمائندے بھی شرکت کررہے ہیں۔
اجلاس میں سعودی عرب ، متحدہ عرب امارات اور اومان کے وزرائے خارجہ کے علاوہ اقوام متحدہ کے خصوصی ایلچی برائے یمن اسماعیل ولد شیخ احمد شرکت کررہے ہیں۔ امریکا کی نمائندگی انڈر سیکریٹری آف اسٹیٹ برائے سیاسی امور تھامس شینن کررہے ہیں۔
اجلاس سے قبل بورس جانسن نے ایک بیان میں کہا کہ ’’ برطانیہ یمن میں جاری جنگ پر اس اہم فورم کی میزبانی کررہا ہے کیونکہ یہ ناگزیر ہوچکا ہے کہ ہم تنازع کے پائیدار سیاسی حل کے لیے کوششوں کو دُگنا کردیں گے‘‘۔
انھوں نے کہا کہ ’’بحران کے آغاز کے بعد سے برطانیہ سفارتی کوششوں کے ضمن میں قائدانہ کردار ادا کررہا ہے اور ہم یہ سلسلہ جاری رکھیں گے۔اس تنازع سے سب سے زیادہ یمنی عوام ہی متاثر ہورہے ہیں‘‘۔
