بدعنوانی کے شبے میں تیونس کے وزیر توانائی سمیت متعدد اہم عہدیدار برطرف

تیونس کے وزیر اعظم یوسف الشاھد نے توانائی کے وزیر اور چار دیگر سینیر عہدیداروں کو مبینہ مالی بدعنوانی کےالزام میں عہدوں سے فارغ کردیا ہے۔

تیونسی حکومت کے ایک ذریعے نے بتایا کہ وزیراعظم نے توانائی کے وزیر،ڈائریکٹر پٹرولیم، پٹرولیم کمپنی کے چیئرمین اور وزارت پٹرولیم کے ڈائریکٹر جنرل برائے قانونی امور کو بد عنوانی کےالزام میں ان کے عہدوں سے برطرف کردیا ہے۔ عہدیداروں کی برطرفی کے بعد وزارت توانائی صنعت،درمیانے اور چھوٹے درجے کے اداروں میں کرپشن کی وسیع پیمانے پر تحقیقات شروع کی گئی ہیں۔

خیال رہے کہ تیونس میں حالیہ ایام کے دوران پٹرولیم مصنوعات کی قیمتوں میں اضافے کے باعث ملک بےچینی کی لہر سے گذرا ہے۔ لیبیا کی طرف سے پٹرولیم مصنوعات کی سپلائی معطل ہونے کے باعث عوام نے حکومت کے خلاف سخت احتجاج کیا تھا۔