امریکی صدر نے اپنا ’’اسٹیٹ آف دی یونین‘‘ خطاب منسوخ کر دیا

امریکی صدر ڈونلڈ ٹرمپ نے کہا ہے کہ میں اپنا اسٹیٹ آف دی یونین خطاب اس لیے منسوخ کیا ہے کیونکہ نینسی پلوسی حقیقت سننا نہیں چاہتیں۔ وہ سچائی سے خوفزدہ ہیں۔

انہوں نے کہا کہ نینسی پلوسی نہیں چاہتی کہ عوام جانیں کہ کیا ہو رہا ہے، وہ سچائی سے خوفزدہ ہیں،جبکہ امریکی عوام حقیقت جاننا چاہتے ہیں اور اس سے انہیں آگاہ کیا جائے گا۔

امریکا کی ایوان نمائندگان کی اسپیکر نے اعلان تھا کہ شٹ ڈائون کے خاتمے تک اسٹیٹ آف دا یونین خطاب نہیں ہوسکتا۔

دوسری جانب امریکی صدرٹرمپ نے رواں ہفتے اسٹیٹ آف دا یونین خطاب کرنے کا اعلان کیا تھا جس پر نینسی پلوسی نے خط کے ذریعے واضح کیا کہ ایوان صدر ٹرمپ کو خطاب کی اجازت نہیں دے گا۔

واضح رہے کہ امریکامیں شٹ ڈائون مارچ تک جاری ر ہنے کی صورت میں کئی اہم پروگرام ختم کیے جانے کا خدشہ ہے۔اس صورتحال میں اسٹیٹ آف دا یونین خطاب منسوخ ہونے پر امریکی صدر نے متبادل ڈھونڈ لیا اور وہ جلد عوام کو اس صورتحال سے آگاہ کریں گے۔