.

خواتین کے ساتھ نا انصافیوں کے خاتمے تک دنیا میں امن قائم نہیں ہوسکتا: انجلینا جولی

پہلی اشاعت: آخری اپ ڈیٹ:

معروف اداکارہ اور اقوام متحدہ کی خیرسگالی کی سفیر انجلینا جولی نے کہا ہے کہ جب تک خواتین کو مردوں کے مساوی حقوق فراہم کرنہیں کیے جاتے اورخواتین کے ساتھ ہونےوالی ناانصافیوں کا خاتمہ نہیں ہوتا اس وقت تک دنیا میں امن کا خواب شرمندہ تعبیر نہیں ہوسکتا۔

العربیہ ڈاٹ نیٹ اقوام متحدہ میں کے ایک اجلاس سے خطاب میں انجلینا جولی کا کہنا تھا خواتین کے حقوق فراہم کیے جانے تک دنیا میں تشدد اور جنگ وجدل ختم نہیں ہوسکتا۔ خواتین کے مسائل اور ان کے حقوق ترجیحی بنیادوں پرحل کرنا ہوں گے۔
انہوں نے مزید کہا کہ خواتین معاشرے کا نصف ہیں۔ خواتین کو امن مذاکرات یا حکومت میں شامل کرنا طویل البنیاد استحکام کا ذریعہ نہیں ہوسکتا۔ خواتین کو تمام شعبوں میں ان کے حقوق فراہم کرنا ہوں گے۔

انجلینا جولی کا کہنا تھا کہ خواتین نے دنیا بھر میں مختلف شعبوں میں اپنی کامیابیوں کے جھنڈے گاڑے ہیں مگر اب بھی خواتین ہی جنگوں اور لڑائیوں کا بڑا ایندھن بن رہی ہیں۔ دنیا بھر میں پناہ گزینوں میں نصف سے زاید خواتین ہیں۔ جنسی تشدد اور آبرو ریزی کا نشانہ بننے والی بھی زیادہ تر خواتین ہیں۔

اسی سیاق میں بات کرتے ہوئے اقوام متحدہ کی جذبہ خیر سگالی کی سفیر کا کہنا تھا کہ مردو زن میں عدم مساوات ، انصاف کے فقدان، تشدد اور اختیارات میں عدم مساوات نے خواتین کو کمزور کیا۔