امریکا: مسافر طیارہ طوفان کے سبب دریا میں گر گیا، تمام مسافر محفوظ

امریکی ریاست فلوریڈا کے شہر جیکسن ویل میں 143 افراد کو لے کر جانے والا ایک مسافر طیارہ لینڈنگ کے دوران طوفان وباراں کی وجہ سے رن وے کے ساتھ موجود دریا میں گر گیا۔

فلوریڈا کے شہری حکام کے مطابق حادثے میں کسی مسافر کو گہری چوٹ یا جانی نقصان نہیں اٹھانا پڑا۔ حادثے کے بعد تمام مسافروں کو جہاز میں سے نکال لیا گیا اور 21 مسافروں کو معمولی چوٹوں کی وجہ سے ہسپتال منتقل کیا گیا جنہیں طبی امداد کے بعد ہسپتال سے فارغ کردیا گیا۔

فلوریڈا کے ایوی ایشن حکام کے مطابق یہ جہاز ایک فوجی اڈے پر لینڈ کر رہا تھا اور اس جہاز میں فوج سے تعلق رکھنے والے افراد سوار تھے۔