ریاض سیزن: 24 گھنٹوں میں "بوليورڈ" آنے والوں کی ریکارڈ تعداد

سعودی جنرل انٹرٹینمنٹ اتھارٹی کے چیئرمین ڈاکٹر ترکی آل الشیخ نے اس امر کی تصدیق کی ہے کہ 24 گھنٹوں کے دوران ریاض سیزن کے تحت قائم "بولیورڈ" میں آنے والوں کی تعداد 12 لاکھ رہی۔

انہوں نے واضح کیا کہ جمعرات کی شب 9:30 سے جمعے کی شب 9:30 تک آنے والوں سے متعلق یہ اعداد و شمار سعودی ٹیلی کمیونی کیشن کمپنی اور ٹریفک جنرل ایڈمنسٹریشن کی جانب سے پیش کیے گئے۔

یاد رہے کہ ریاض سیزن کے تحت قائم "بولیورڈ" کا مجموعی رقبہ 4 لاکھ مربع میٹر ہے۔ یہاں 50 سے زیادہ مقامی اور عالمی برانڈز کے آؤٹ لیٹ ، کھلے میدان میں سینیما اور رقص کرتا فوارہ شامل ہے۔

اس زون میں تمام طبقوں کے لیے 9 ایونٹس کا اہتمام کیا گیا ہے۔

ان کے علاوہ معروف سعودی فن کار محمد عبدہ کے نام کے تھیٹر میں 22 ہزار، ابو بکر سالم تھیٹر میں 6 ہزار اور بکر الشدی تھیٹر میں 2 ہزار افراد کی گنجائش ہے۔