ڈاکار ریلی کے حادثے کی تحقیقات کے نتائج ، سعودی عرب اور فرانس کی رابطہ کاری

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی وزارت خارجہ کے اعلان کے مطابق مملکت اور فرانس ،،، ڈاکار ریلی میں پیش آنے والے واقعے کی تحقیقات کے نتائج کے حوالے سے رابطہ کاری پر کام کر رہے ہیں۔

وزارت نے اپنے بیان میں مزید کہا کہ ریاض اس حادثے کے حوالے سے تحقیقات کے نتائج اور معلومات، تصاویر اور دستیاب شواہد سے فرانسیسی جانب کو مطلع کر رہا ہے۔

بیان کے مطابق سعودی عرب ڈاکار ریلی ریس میں شرکاء کے تحفظ کے لیے امن اور سلامتی کے تمام معیارات کی شدید خواہش رکھتا ہے۔

سعودی سرکاری خبر رساں ایجنسی (ایس پی اے) کے مطابق ابتدائی تحقیقات کے نتائج سے ایسا کچھ ظاہر نہیں ہوا کہ واقعے کے پیچھے مجرمانہ عنصر موجود ہے۔

یاد رہے کہ یہ مسلسل تیسرے سال ڈاکار ریلی سعودی عرب میں منعقد ہو رہی ہے۔ حالیہ ریس یکم سے 14 جنوری 2022ء تک جاری رہے گی۔ ریس کے مختلف طبقوں میں 430 گاڑیاں اور "ڈاکار کلاسک" میں 148 گاڑیاں شریک ہیں۔ ریس کامجموعی فاصلہ 8000 کلو میٹر سے زیادہ ہے۔ یہ ڈاکار ریلی کا اب تک کا سب سے بڑا ایڈیشن ہے۔ اس میں 70 سے زیادہ ملکوں کے ڈرائیور شریک ہیں۔

مقبول خبریں اہم خبریں

مقبول خبریں