سعودی عرب: لڑکی کی گاڑی کو ٹکر مارنے والا منچلہ گرفتار

سعودی عرب میں پولیس نے ایک خاتون کی کار کو ٹکر مار کر اسے حادثے سے دوچار کرنے والے نوجوان کو گرفتار کرلیا ہے۔

سوشل میڈیا پر ایک سعودی نوجوان کا ویڈیو کلپ گردش سامنے آیا جس میں اسے مغربی سعودی عرب کے شہر طائف میں ایک اہم سڑک پر جان بوجھ کر ایک لڑکی کی گاڑی کو ٹکر مارتے دکھایا گیا۔ حادثے میں لڑکی کی کار الٹ گئی اور اسے معمولی چوٹیں بھی آئیں۔

سوشل میڈیا پر ویڈیو سامنے آنے کے بعد مکہ المکرمہ پولیس کے میڈیا ترجمان نے اعلان کیا کہ ویڈیو کے حوالے سے طائف گورنری کی پولیس نے مجرم کو گرفتار کیا ہے جو ایک مقامی شہری ہے۔ اس کے خلاف قانونی کارروائی شروع کردی گئی ہے۔