عمرہ ویزا: پانچ ملکوں کے شہریوں کیلئے فنگر پرنٹ رجسٹریشن ضروری کردی گئی

جمعہ کو سعودی وزارت حج و عمرہ نے پانچ ملکوں برطانیہ، تیونس، کویت، بنگلہ دیش اور ملائیشیا سے مکہ مکرمہ آنے والوں کے لیے الیکٹرانک طور پر عمرہ ویزا جاری کرنے کے لیے "فنگر پرنٹ" کے اندراج کی شرط شروع کرنے کا اعلان کردیا۔

رجسٹریشن کا مقصد سعودی عرب کی بندرگاہوں کے ذریعے داخلے کے طریقہ کار کو آسان بنانا اور حجاج کے ڈیجیٹل تجربے کو فروغ دینا ہے ۔

وزارت نے بتایا کہ اس فنگر پرنٹ کا اندراج سمارٹ فونز کے لیے (سعودی ویزا بائیو) ایپلی کیشن کو ڈاؤن لوڈ کر کے، ویزا کی قسم کا تعین کر کے، پاسپورٹ کو فوری طور پر پڑھ کر، سامنے والے کیمرے سے چہرے کی تصویر لے کر اور اسے پاسپورٹ میں ذاتی تصویر سے ملا کر کرنا ہے۔ کیمرے کے ذریعے دس فنگر پرنٹس کو الیکٹرانک طور پر سکین بھی کرنا ہوگا۔