سوڈان: بموں کی گھن گرج اور گولیوں کے سائے میں قیلولہ کرنے کا ناقابل یقین منظر

سوڈان میں فوج کے دو دھڑوں میں پچھلے ایک ماہ سے جاری لڑائی کے بعد افراتفری کا عالم ہے اور لوگ گھروں سے باہرفٹ پاتھوں اور پلوں کے نیچے زندگی گذارنے پرمجبور ہیں۔

سوڈانی فوج اور سریع الحرکت فورسز کے درمیان جاری لڑائی کےدوران کچھ ایسے مناظربھی سامنے آئے ہیں جن پر یقین کرنا مشکل ہے۔

انہی حیرت انگیز مناظر میں ایک شخص کو دن کے وقت گولیوں کے سائے میں ایک سڑک کے کنارے پر قیلولہ کرتے دکھایا گیا ہے۔

جب اس نے گولہ باری کی آواز سنی تو سوشل میڈیا پر پھیلائی گئی ویڈیو کلپ میں یہ شخص زمین پر لیٹا دکھائی دے رہا تھا۔ گولہ باری کے باوجود ایسے لگتا ہے کہ اس شخص کو ارد گرد ہونے والے واقعات کی کوئی زیادہ پرواہ نہیں اور نہ ہی اسے کوئی خوف ہے۔

البتہ اس کے پاس موجود کتا خوف زدہ دکھائی دے رہا ہے۔ اس نے کتے کے سر پر تھپکی دی اور اسے پرسکون کرنے کی کوشش کی۔

سوشل میڈیا پر یہ ویڈیو جنگل کی آگ کی طرح پھیلی اور اس پر شہریوں کی طرف سے ملا جلا رد عمل سامنے آیا ہے۔ بعض نے اسے ایک بے گھر شخص قرار دیا۔

قابل ذکر ہے کہ سوڈان میں 15 اپریل سے فوج اور ریپڈ سپورٹ فورسز کے درمیان شدید لڑائی جاری ہے جس کی وجہ سے دارالحکومت کے ہزاروں باشندے محفوظ ریاستوں اور پڑوسی ممالک کی طرف نقل مکانی کرنے پر مجبور ہیں۔