جنوبی صومالیہ میں عسکریت پسند گروپ الشباب پر کاری ضرب،40 جنگجو ہلاک

کل اتوار کو صومالیہ خبر رساں ایجنسی نے اطلاع دی ہے کہ ملک کے جنوب میں ایک فوجی آپریشن میں "الشباب" ملیشیا کے جنگجوؤں کے خلاف آپریشن کیا گیا جس میں کم سے کم اس کے 40 عناصر کو ہلاک کردیا گیا ہے۔ہلاک ہونے والوں میں اس کے رہ نما بھی شامل ہیں۔

سرکاری ایجنسی نے بتایا کہ یہ آپریشن فوجی دستوں نے بین الاقوامی شراکت داروں کے تعاون سے زیریں جوبا گورنری کے ضلع افمدو سے 40 کلومیٹر دور ولمرو کے علاقے میں کیا۔

"عرب ورلڈ نیوز ایجنسی" کے مطابق آپریشن کے نتیجے میں "الشباب" تحریک سے تعلق رکھنے والے ہتھیاروں اور فوجی گاڑیوں کو بھی تباہ کر دیا گیا۔