الدرّہ گیس فیلڈ ہماری ملکیت ہے: سعودی عرب اور کویت کا مشترکہ بیان

سعودی وزارت خارجہ نے کہا ہے کہ سعودی عرب اور کویت اس بات کا اعادہ کرتے ہیں کہ خلیج میں واقع الدرّہ گیس فیلڈ سمیت تقسیم شدہ غیر جانبدار علاقے میں موجود قدرتی وسائل صرف ان دونوں ممالک کی مشترکہ ملکیت ہیں۔

سعودی پریس ایجنسی کے مطابق، انہوں نے کہا کہ صرف سعودی عرب اور کویت کو ہی ان وسائل سے فائدہ اٹھانے کے مکمل خودمختار حقوق حاصل ہیں۔

وزارت نے مزید کہا کہ سعودی عرب اور کویت ایک مذاکراتی فریق کے طور پر ایران سے تقسیم شدہ علاقے کی مشرقی سرحد کے بارے میں بین الاقوامی قانون اور اچھے ہمسائیگی پر مبنی تعلقات کی بنیاد پر مذاکرات کی اپیل کا اعادہ کرتے ہیں"۔