’او آئی سی‘ کا مراکش میں قیامت خیز زلزلے کے نتیجے میں اموات پر دُکھ کا اظہار

اسلامی تعاون تنظیم [او آئی سی] کے سیکرٹری جنرل حسین ابراہیم طہٰ نے مراکش کے فرمانروا شاہ محمد ششم ، حکومت اور عوام سے ملک میں آنے والے تباہ کن زلزلے پر افسوس اور دکھ کا اظہار کیا ہے۔

خیال رہے کہ جمعہ اور ہفتہ کی درمیانی شب مراکش میں آنے والے قیامت خیز زلزلے میں سیکڑوں افراد جان سے چلے گئے جب کہ بڑی تعداد میں زخمی ہیں۔

مراکش کی وزارت داخلہ کے اعدادوشمار کے مطابق مملکت کے کئی صوبوں میں زلزلے سے 632 افراد ہلاک اور 329 زخمی ہوئے۔

’او آئی سی‘ سکریٹری جنرل نے اس قیامت خیز زلزلے کے اثرات کا مقابلہ کرنے اور اس انسانی آزمائش پر قابو پانے، زخمیوں کی جلد صحت یابی اور متاثرین کی جلد بحالی کی دعا کی ہے۔